Serbski rěčny pakćik instalować

1. Mozilla Thunderbird sćahnyć

Zo byšće serbskorěčnu wersiju Mozille dóstali, dyrbiće dwě sćehnjeni přewjesć. Jedne sćehnjenje za programowe dataje Mozilla Thunderbirda (poprawom jendźelska wersija za ZSA). A druhe za zeserbšćene dataje.

• Programowe dataje sćahnyć

Jendźelske programowe dataje wersije Mozilla Thunderbird 12.0 namakaće pod tutej adresu.

• Serbskorěčne dataje sćahnyć

Zeserbšćene dataje namakaće na tutej stronje.

2. Serbski rěčny pakćik instalować

Po tym zo sće programowe dataje programa Thunderbird (hlej horjeka) a dataje serbskorěčneho pakćika sćahnyli a program Thunderbird instalowali, móžeće nětko serbski rěčny pakćik instalować.

Kedźbu: Čisle wersije programowych datajow a přisłušneho rěčneho pakćika dyrbitej jenakej być.

Na př. za Mozilla Thunderbird wersiju 2.0 trjebaće tež rěčny pakćik wersije 2.0. Startujće za to Mozilla Thunderbird (hišće originalnu jendźelsku wersiju) a dźiće na File - Open File... W dialogowym woknje, kotrež so nětko wočinja, nastajće rjadowak, do kotrehož sće dataju thunderbird-12.0.hsb.langpack.xpi sćahnyli, wubjerće tutu dataju a wočińće dataju z kliknjenjom na tłóčatko Open.

Potom klikńće na tłóčatko Install Now (z Cancel móžeće přetorhnyć) a sćěhujće instalaciju, doniž njeje zakónčena.
3. Serbski pakćik aktiwizować

Po instalaciju rěčneho pakćika je Thunderbird hišće jendźelsce resp. němsce, hdyž hornjoserbski pakćik do němskeho Thunderbirda instalujeće. Zo byšće hornjoserbski pakćik aktiwizował, dźiće do menija Tools --> Options... resp. Extras --> Einstellungen... Dźiće potom na rajtark Advanced resp. Erweitert a klikńće na tłóčatko Config Editor... resp. Konfiguration bearbeiten... Wobkrućće warnowanje a zapodajće do wokna nastajenjow wuraz general.useragent.locale w polu Search: resp. Suchen:. Klikńće z prawej tastu na tutón zapisk a wubjerće z kontekstoweho menija Modify resp. Bearbeiten a změńce en-US resp. de do hsb. Začińće tute woknješko přez kliknjenje na "OK" a wopušćće konfiguraciske nastajenja. Startujće Thunderbird znowa a waš Thunderbird budźe potom hornjoserbsce.

Alternatiwnje móžeće serbski Thunderbird z přikazoweje linki abo ze zwiska na desktopje z opcijomaj -UILocale hsb startować, na př. C:\Programme\Thunderbird-12.0\thunderbird.exe -UILocale hsb. Město C:\Programme\Thunderbird-12.0\ dyrbiće wězo šćežku wužiwać, kotraž k městnu wašeje Thunderbird-instalacije wjedźe.